د. كەریم شكور جێگری سەرۆكی فراكسیۆنی یەكێتی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، لە هەوڵداین بۆ زیادكردنی بڕی گەڕاندنەوەی پاشەكەوتی مووچەی فەرمانبەرانی هەرێمی كوردستان بە رێژەی 12% بە تەرخانكردنی داراییەوە.
راشیگەیاند، “لە ئێستادا دەستمان كردووە بە كۆكردنەوەی واژووی پەرلەمانتاران و دەمانەوێت پشتیوانی پەرلەمانتاران بە دەستبهێنین”.
ئەو پەرلەمانتارە جەختیكردەوە، “وەكو فراكسیۆنی یەكێتی سازش لە مافی مووچەخۆرانی هەرێمی كوردستان ناكەن و دەبێت مووچە پاشەكەوتكراوەكان بۆ فەرمانبەران بگەڕێندرێتەوە”.
