داتاکانی وەزارەتی نەوتی عێراق ئاشکرایدەکات، لە مانگی ئایاردا داهاتی فرۆشی نەوت نیو ملیار دۆلار بەراورد بە داهاتی فرۆشی نەوت بە مانگی نیسان کەمیکردووە.
وەزارەتی نەوتی عێراق بڵاویکردەوە، “لە مانگی ئایاردا داهاتی نەوتی عێراق بە رێژەی %5 کەمیکردووە بەراورد بە مانگی نیسان، بە جۆرێک لە مانگی ئایاردا داهاتی فرۆشی نەوت 7.306 ملیار دۆلار بووە لە کاتێکدا لە مانگی نیساندا 7.796 ملیار دۆلار بووە”
ئاماژەی بەوەشکردووە، “ئەو دابەزینە لە داهاتدا بەهۆی ئەوەوە بووە لە مانگی ئایاردا عێراق یەک بەرمیل نەوتی بە 71.30 دۆلار فرۆشتووە لە کاتێکدا لە مانگی نیساندا بە 79.04 دۆلار فرۆشراوە”.
بەپێی داتاکانی سۆمۆش بێت لە مانگی ئایاردا 102 ملیۆن و 463 هەزار و 387 بەرمیل نەوت فرۆشراوە، بەڵام لە مانگی نیساندا 102 ملیۆن و 206 هەزار و 413 بەرمیل فرۆشراوە.
