یەك ملیار دۆلاری ساختە لەلایەن دەسەڵاتدارانی توركیاوە دەستیبەسەرداگیرا سەرەڕای دەستگیركردنی شەش تۆمەتباری رەگەزنامە جیاواز.
بەپێی سەرچاوە ئەمنییەكانی توركیا، زانیارییان پێگەیشتووە لەبارەی چاپكردنی دۆلاری ساختە و ئامادەكاری بۆ گواستنەوەی بۆ وڵاتانی ئەفریقا لەلایەن ژمارەیەك كەسەوە.
دوای بەدواداچوونی هەواڵگری و دۆزینەوەی جموجوڵی گومانلێكراوان لە ئەمبارێكدا لە شاری ئەستەنبوڵ، تیمێكی ئەمنی هەڵیكوتایەسەر شوێنەكە و شەش كەس بە تاوانەكەوە دەستگیركران كە سیانیان هەڵگری رەگەزنامەی سویدی، ئەوانی دیكە بەریتانی و غانایی و تورك بوون.
لەو هەڵمەتەدا دەستبەسەر یەك ملیار دۆلاری ساختە لە جۆری 100 دۆلاری گیرا، تۆمەتباران پارەكەیان كردبووە سندوقەوە وەك ئامادەكاریی گواستنەوەی بۆ ئەفریقا.
تۆمەتباران ڤێلایەكی گەورەیان لە ناوچەی چیچلی بەكرێگرتووە، هەروەك دەستیشگیرا بەسەر بڕێكی زۆر لە پارە و زێڕدا.
پارە دەستبەسەرداگیراوەكە بە گەورەترین بڕ دادەنرێت لە مێژووی توركیادا، وەك ئەوەی سەرچاوەكان ئاماژەیان پێداوە.
