سارە عیدان شاجوانی پێشووتری عێراق خۆی بۆ ئەندامێکی کۆنگرێسی ئەمریکا کاندید دەکات، کە بڕیارە ساڵی داهاتوو بەڕێوەبچێت.
سارە عیدان شاجوانی ساڵی 2017 ی عێراق رایگەیاند، کاندیدی دیموکراتەکانە لەسەر ناوچەی 30 ی ویلایەتی کالیفۆرنیا دوای ئەوەی داواکاری خۆکاندیدکردنی پێشکەش بە لیژنەی هەڵبژاردنی فیدڕاڵی کردووە.
سارەی تەمەنی 33 ساڵ، سەرۆکی رێکخراوی هیومانیتی فۆرۆردە، کە ئەرکی دروستکردنی پەیوەندییە لەنێوان مسوڵمانان و جولەکەدا و جگە لەوەش چالاکوانی بواری مافەکانی مرۆڤە.
ئەو کچە عێراقییە بەڵێنی داوە پۆستەکەی بۆ بڵاوکردنەوەی هۆشیاری لەبارەی یەکسانی نێوان هەردوو رەگەز و پاراستنی مافی پەنابەران بەکاربهێنێت.
