ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، تائێستا 682 هەزار فەرمانبەری هەرێمی كوردستان لە پڕۆژەیاسای بودجە جێگیركراوە و هەوڵێك هەیە ئەو گرفتە چارەسەر بكرێت.
د. جەمال كۆچەر ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، تائێستا 682 هەزار فەرمانبەری هەرێمی كوردستان جێگیركراوە و ئێمە داوامان لە بەرپرسانی وەزارەتی دارایی عێراق كرد ئەو گرفتە چارەسەر بكەن.
ئاشكراشیكرد، هەموو ساڵێك ئەو ژمارەیە بۆ فەرمانبەرانی هەرێمی كوردستان دانراوە و ئێمە لە لیژنەی دارایی ناتوانین دەستكاری ئەو خشتانە بكەین و هەوڵێك هەیە ئەو گرفتە چارەسەر بكرێت.
بڕیارە كاتژمێر 1ی پاشنیوەڕۆی ئەمڕۆ كۆبوونەوەی ئەنجومەنی نوێنەرانی عێراق بۆ دەنگدان لەسەر پڕۆژەیاسای بودجە دەستپێبكاتەوە.
