پارێزگاری سلێمانی رایدەگەیەنێت، سلێمانی شارێكی ئارامە بۆ ژیان و ئازادیی رادەربڕین و دەشڵێت، “مانگی داهاتوو هەواڵی خۆش لەسەر فڕۆكەخانەی سلێمانی دەبیستن”.
د. هەڤاڵ ئەبوبەكر پارێزگاری سلێمانی لە دووەمین كۆڕبەندی ئابوریی سلێمانی رایگەیاند، سلێمانی لە بوارەكانی پیشەسازی و گەشتیاری و زۆرێك لە بوارەكانی دیكە یەكەمە و لە ئێستادا 60%ی پیشەسازی هەموو هەرێمی كوردستان لە پارێزگای سلێمانییە.
وتیشی، “هەموو ئەمانە وایانكردووە كەمترین رێژەی بێكاری لەسەر ئاستی عێراق لە سلێمانی بێت و لەگەڵ ئەوەشدا شارێكی ئارامە بۆ ژیان و ئازادیی رادەربڕین”.
پارێزگاری سلێمانی وتیشی، “مانگی داهاتوو هەواڵی خۆش لەسەر فڕۆكەخانەی سلێمانی دەبیستن”.
