بۆ ئەمڕۆ و سبەینێ هەینی، كەشوهەوای هەرێمی كوردستان بە ساماڵ و پەڵەهەور دەمێنێتەوە، باران نابارێت و پلەكانی گەرماش دەگەنە سەروو 25 پلەی سیلیزی.
كەشناسیی هەرێمی كوردستان پێشبینییەكانی كەشوهەوای بۆ ئەمڕۆ و سبەینێ بڵاوكردەوە، لە هەردوو ڕۆژەكەدا ئاسمان بە گشتی ساماڵ و پەڵەهەور دەبێت و پێشبینی بارینی هیچ بارانێك نەكراوە.
پلەكانی گەرماش بە بەرزی دەمێننەوە، بەشێوەیەك بۆ ئەمڕۆ لە هەولێر بەرزترین پلەی گەرما 26 پلەیە، سبەینێش دەبێتە 27، سلێمانی بۆ ئەمڕۆ 26 پلە و سبەینێ 27، هەروەها لە دهۆك ئەمڕۆ 27 پلەی سیلیزی تۆماردەكات و سبەینێش دەبێتە 26، هەڵەبجەش بۆ ئەمڕۆ 26 پلە بەرزترین پلەی گەرمایە و سبەینێ دەبێتە 27.
بەڵام لە كەركوك پلەكانی گەرما بەرزترن، ئەمڕۆ دەگاتە 30 پلە و سبەینێش 31 پلە دەبێت.
