پەرلەمانتارێكی فراكسیۆنی یەكێتی لە ئەنجومەنی نوێنەرانی عێراق رایدەگەیەنێت، تائێستا ئەو بڕگەیەی تایبەتە بە گەڕاندنەوەی پاشەكەوتی مووچەی فەرمانبەران لە پڕۆژەیاسای بودجە بە رێژەی 10% هیچ گۆڕانكارییەكی تێدا نەكراوە وەك خۆی ماوەتەوە و دەشڵێت، “یەكێتی سوورە لەسەر گەڕاندنەوەی مووچە پاشەكەوتكراوەكان بۆ فەرمانبەران”.
غەریب ئەحمەد پەرلەمانتاری فراكسیۆنی یەكێتی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بەهۆی لێكتێنگەیشتنی لایەنەكان تائێستا پڕۆژەیاسای بودجە بەدەست پەرلەمانتارەكان نەگەیشتووە و ئەو بڕگەیەی تایبەتە بە گەڕاندنەوەی پاشەكەوتی مووچەی فەرمانبەران بە رێژەی 10% وەك خۆی ماوەتەوە و هیچ گۆڕانكارییەكی تێدا نەكراوە.
وتیشی، “فراكسیۆنی یەكێتی سوورە لەسەر گەڕاندنەوەی مووچە پاشەكەوتكراوەكان بۆ فەرمانبەران و سازشی لەسەر ناكات”.
