یانەی ڕیاڵ مەدرید هەوڵەکانی بۆ قایلکردنی کای هاڤێرتز چڕکردووەتەوە، لە هەمان کاتدا سۆراخی ناوێکی دیکەیان کردووە.
بەگوێرەی زانیارییەکانی ڕۆژنامەی “ئەی ئێس”، لە چەند کاتژمێری ڕابردوودا نوێنەرانی ڕیاڵ مەدرید لە لەندەن بوون و دانوستاندنەکانیان بۆ گواستنەوەی کای هاڤێرتزی ئەڵمانی چڕکردووەتەوە، یاریزانەکە ڕەزامەندی نیشانداوە و لە ئێستادا هەوڵدەدرێت ڕەزامەندی لە یانەی چێڵسی وەربگیرێت.
ڕۆژنامەکە ئاماژەی بەوەشکردووە، کە گواستنەوەی هاری کەین ئاڵۆزە و ئەگەری شکستهێنانی هەیە، بۆیە بەڕێوەبەرانی “مێرەنگی” پرسیاریان لە یانەی ڤیاڕیاڵ کردووە سەبارەت بە ساموێل چوکوێزێی نایجیری.
چوکوێزێ تەمەنی 24 ساڵە و لە پێگەی هێرشبەری (9) و باڵەکانی هێرشبردندا یاریدەکات، نرخی گواستنەوەی (20) ملیۆن یورۆیە، لەم وەرزەدا بە (50) یاری (13) گۆڵ و (11) ئەسیستی کردووە.
