دوای ماڵئاواییکردنی هەڵبژاردەی ئەرجەنتین لە مۆندیالی لاوان، هەڵبژاردەی لاوانی بەڕازیلی-یش ماڵئاوایی لە پاڵەوانێتییەکە کرد.
هەڵبژاردەی لاوانی بەڕازیل لە قۆناغی چارەکی کۆتایی مۆندیالی لاوان ڕووبەڕووی ئیسرائیل بووەوە، یارییەکە بە ئەنجامی سێ گۆڵ بەرامبەر بە دوو گۆڵ لە بەرژەوەندی ئیسرائیل کۆتاییهات.
لە هەمان قۆناغدا، تیپی لاوانی ئیتاڵیا بە ئەنجامی (3-1) لە کۆڵۆمبیای بردەوە و هاوشانی ئیسرائیل بلیتی قۆناغی نیوەی کۆتایی بڕی.
Dor Turgeman's nicely taken goal which knocked out Brazil and sent Israel to the semifinals of the U20 World Cup https://t.co/WzU1GNDSmL
— James Nalton (@JDNalton) June 4, 2023
بڕیاریشە ئەمڕۆ یەکشەممە، کۆریای باشوور بەرامبەر نایجیریا یاری بکات، هەروەها ئەمریکا ڕووبەڕووی ئورۆگوای ببێتەوە.
لەگەڵ دەستپێکی مۆندیالی لاوانی 2023، چاوەڕواندەکرا یەکێک لە هەڵبژاردەکانی بەڕازیل و ئەرجەنتین ناسناوەکە بەدەستبهێنن، بەڵام هیچکام لەو دوو هەڵبژاردە مێژووییە تەنانەت نەیانتوانی بە قۆناغی نیوەی کۆتاییش بگەن.
