بڕیارە هەفتەی داهاتوو وەزیری دەرەوەی ئەمریكا سەردانی سعودیە بكات، كە یەكەم گەشتی بلینكن بۆ ئەو وڵاتە دەبێت دوای دەستپێكردنەوەی پەیوەندییە دیپلۆماسییەكانی تاران و ریاز.
وەزارەتی دەرەوەی ئەمریكا بڵاویكردووەتەوە، ئەنتۆنی بلینكن وەزیری دەرەوەی ئەمریكا لە میانەی گەشتەكەیدا كە لە 6ی مانگی حوزەیرانەوە دەستپێدەكات، بڕیارە سەردانی سعودیە بكات و لەگەڵ بەرپرسانی ئەو وڵاتە كۆدەبێتەوە و بەشداریی لە دانوستانەكانی ئەنجومەنی هاریكاریی وڵاتانی كەنداودا دەكات.
بەپێی بەیاننامەكەی ئەو وەزارەتە، بڕیارە لە دانیشتنەكانی وەزیری دەرەوەی ئەمریكادا لەگەڵ بەرپرسانی سعودیە، پەیوەندیی ئابوری و ئەمنییەكان تاوتوێ بكرێن.
