قائیمقامیەتی سلێمانی بڕیاری داخستنی فڕنی ئەسحابە سپی دا، ئەوەش بەهۆی ئەوەی مەرجەکانی تەندروستی و سەلامەتی تێدا نەبووە.
لە راگەیەندراوی قائیمقامیەتی سلێمانیدا ئاماژە بەوەکراوە، بەهۆی پابەندنەبون بەمەرج و رێنماییەکانی تەندروستی و هەبونی پاشەڕۆی قرتێنەرەکان لەشوێنەکەیدا، هەروەها سەرپێچیکردن لە رێنماییەکانی بەرگری شارستانی، بڕیاری دەستبەجێ داخستنی فڕنی ئەسحابە سپی لە گوزەری ئەسحابە سپی دراوە.
قائیمقامیەت بەهۆی سەرپێچییەکانەوە بڕیاریداوە خاوەنی فڕنەکەش رووبەڕووی رێکاری یاسایی بکاتەوە.
