بەڕێوەبەری گشتیی هاتوچۆی هەرێم رایدەگەیەنێت، ئەو رێگایانەی دەرەوەی شار كە كامێرای پۆینت تو پۆینتی بۆ دانراوە هێماكانی ئاگاداركردنەوە و دیاریكردنی بڕی خێرایی لێدادەنرێت.
لیوا عەبدولقادر عەزیز بەڕێوەبەری گشتیی هاتوچۆی هەرێم لە لێدوانێكدا بە تۆڕی میدیایی ئێستای راگەیاند، ئەو رێگایانەی دەرەوەی شار لە سنووری پارێزگاكانی هەولێر و سلێمانی كە كامێرای پۆینت تو پۆینتی لێدانراوە بەرنامە هەیە كە هێماكانی ئاگاداركردنەوە لە بوونی كامێرای پۆینت تو پۆینت و دیاریكردنی بڕی خێراییەكە لەو رێگایانە دابنرێن.
راشیگەیاند، بەشێكی زۆر لە كامێراكانی پۆینت تو پۆینت كە لە رێگاكانی دەرەوەی شارەكان دانراون لە ئێستادا سەرپێچی تۆماردەكەن و لە قۆناغی ئەزموونی” تێستدا” نەماون.
