سەرۆكایەتیی شارەوانیی سلێمانی رایدەگەیەنێت، لە ماوەی یەك مانگدا لەلایەن تیمەكانمانەوە 57 هەزار مەتر دووجا قیرتاومان كردووە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، تیمەكانمان لە بەشە جیاوازەكانی سەر بە سەرۆكایەتیمان بەردەوامن لە نۆژەنكردنەوەی كۆڵان و شەقامەكانی شار، لە هەفتەی رابردوودا لەم شوێنانەی لای خوارەوە كاریانكردووە:-
١-قیرتاوكردنی شەقامێك لە فولكەی ئاسۆی دەلاك.
٢- قیرتاوكردنی ژمارەیەك كۆڵان و شەقام لە نزیك مزگەوتی رەشید و بنكەی پۆلیسی رزگاری لە سەهۆڵەكە.
٣- قیرتاوكردنی چەند كۆڵانێك لە گەڕەكی شێخ محێدێن، و تیمەكانمان ئاماژەیان بەوەكرد كە نزیكەی 57 هەزار مەتر دووجا قیریان كردووە لە ماوەی مانگی ئایاردا.
