سەرۆكی شارەوانیی سلێمانی رایدەگەیەنێت، “دوای باخی گشتی دەستدەكەین بە نۆژەنكردنەوەی پاركی ئازادی”.
لەیلا عومەر سەرۆكی شارەوانیی سلێمانی لە لێدوانێكی رۆژنامەوانیدا رایگەیاند، داوامانكردووە چاودێریی زیاتری ئەو باخچانە بكرێن كە نۆژەنكراونەتەوە و پێویستە هاوڵاتییانیش چاودێریی شوێنە گشتییەكان بكەن و پارێزگارییان لێبكەن.
ئاشكراشیكرد، بەڵێنمان لە هێزە ئەمنییەكان وەرگرتووە چاودێریی زیاتری باخ و پاركەكان بكەن.
ئاماژەی بۆ ئەوەش كرد، “لە دوای باخی گشتی دەستدەكرێت بە نۆژەنكردنەوەی پاركی ئازادی و لە بەرنامە و پلانماندایە و لە رێگای وەبەرهێنەرێكەوە بڕی دوو ملیار دیناری بۆ تەرخانكراوە كە پاركی ئازادی بۆ سەرجەم هاوڵاتییان و خێزانەكان بێت و پلان و پڕۆژەكانمان بۆ ئاشتكردنەوەی هاوڵاتییانی شاری سلێمانییە و قۆناغ بە قۆناغ جێبەجێدەكرێن”.
