د. بڕیار رەشید پەرلەمانتاری فراكسیۆنی یەكێتی لە ئەنجومەنی نوێنەرانی عێراق رایگەیاند، “ئەوەی ئێمە داوامانكردووە ئەولەویەت دابینكردنی مووچەی فەرمانبەرانی هەرێمی كوردستان و گەڕاندنەوەی پاشەكەوتەكەیە، لە تەرخانكردنی بودجەشدا غەدر لە پارێزگایەك نەكرێت”.
وتیشی، “ئەوەی باسی لێوەدەكرێت رێككەوتن نەبووە لە نێوان هەردوو حكومەتی عێراق و حكومەتی هەرێم، بەڵكو رادەستكردنی نەوتی هەرێم و جێبەجێكردنی بڕیاری دادگای پاریسە لەسەر هەرێمی كوردستان”.
ئاشكراشیكرد، “تاكە رێگا بۆ كۆتاییهێنان بە كێشەكانی نێوان هەرێم و بەغداد دەركردنی یاسای نەوت و غازە لە ئەنجومەنی نوێنەرانی عێراق و جێبەجێكردنیەتی لە نێوان هەرێم و بەغداددا.
