حکومەتی هیندستان بڕیاریدا بە راگرتنی بەرپرسێکی حکومەتەکە بەهۆی ئەوەی فەرمانی دابوو بە بەتاڵکردنی ئاوی بەنداوێک بە مەبەستی دەرهێنانی مۆبایلەکەی کە کەوتبووە ناو ئاوەکەوە.
میدیاکانی هیندستان باس لەوەدەکەن کە راجیش فیشواس، مۆبایلەکەی کە لە جۆری سامسۆنگ بووە لەکاتێکدا کە وێنەی سێڵفی گرتووە کەوتووەتە ناو ئاوی ئەو بەنداوەوە، ئەو بەرپرسە بە بیانووی ئەوەی مۆبایلەکەی بەڵگەنامەی حکومیی هەستیار و گرنگی تێدایە فەرمانی داوە بە بەتاڵکردنی ئاوی بەنداوەکە بۆ گەڕاندنەوەی مۆبایلەکەی.
رووداوەکە لە بەنداوی خرکتا لە چهاتیسگارە روویداوە.
لەدوای ئەوەی بە ماوەی سێ رۆژ ئاوی بەنداوەکە بەتاڵکراوە، حکومەت بڕیاریداوە بە راگرتنی ئەو بەرپرسە بەهۆی خراپ بەکارهێنانی دەسەڵاتەکانی.
