شیرین یونس پەرلەمانتاری فراكسیۆنی یەكێتی لە پەرلەمانی كوردستان رایدەگەیەنێت، سەرۆكی پەرلەمانی كوردستان دەسەڵاتی رەهای بۆ راگرتنی دانیشتنەكەی پەرلەمانی هەیە و دەشڵێت، “یاسای هەڵبژاردن هەموارنەكرێتەوە هەڵبژاردن ئەنجامنادرێت”.
راشیگەیاند، یەكێتی سوورە لەسەر ئەنجامدانی هەڵبژاردن لە كاتی خۆیدا، بەڵام دەبێت كۆمسیۆن كارابكرێتەوە و یاساكە هەمواربكرێتەوە كە هەردووكیان یەك پاكێجن و دەبێت پێشوەختە ئەو دوو پڕۆسەیە پێكەوە ئەنجامبدرێت و ئەو كات دەچینە هەڵبژاردنەوە.
لەبارەی كورسیی پێكهاتەكانیشەوە، ئەو پەرلەمانتارە پێیوایە پێكهاتەكان نوێنەری راستەقینەی پێكهاتەكان ناكەن و لە بەرژەوەندیی لایەنێكی سیاسی بەكاردەهێندرێن.
