بەلەمێكی كۆچبەران لە دەریای ئیجەدا ژێرئاوكەوت و بەشێك لە قوربانییانی رووداوەكە لەلایەن تیمەكانەوە دۆزرانەوە.
هێزی دەریایی یۆنان بڵاویكردەوە، بەرەبەیانیی ئەمڕۆ بەلەمێك بە 15 سەرنشینەوە ژێرئاوكەوتووە، تا گەیشتنی هێزەكانیان بە شوێنی رووداوەكە تەنها دوو گەنج رزگاری بووە.
هەروەك تا نیوەڕۆی ئەمڕۆ تەرمی سێ لە قوربانییانی رووداوەكە لە باكووری رۆژهەڵاتی دورگەی میكۆنۆس-ی یۆنان دۆزراونەتەوە كە لە دوو ژن و پیاوێك پێكدێن.
تیمەكان بەردەوامن لە گەڕان بۆ دۆزینەوەی رزگاربوو یان قوربانییانی دیكە.
پۆلیسی وڵاتەكە لە زاری دوو رزگاربووەكەوە بڵاویكردەوە، سەرنشینانی بەلەمەكە خەڵكی سوریا و فەڵەستین بوون.
