وتەبێژی وەزارەتی ئەوقاف و كاروباری ئایینیی هەرێم رایدەگەیەنێت، رۆژی 1ی (ذی الحجه) یەكەم رۆژی جەژنی قوربان دیاریدەكرێت و پەیوەندی بە فەریزەی حەجەوە هەیە و دەشڵێت، “جەژنی قوربان وەكو جەژنی رەمەزان نییە كە چاوەڕێی بینینی مانگ بكرێت و هەموو جیهان بەهۆی رێوڕەسمەكانی حەجەوە چاوەڕێی سعودیە دەكەن”.
كۆمەڵەی فەلەكناسیی سعودیە بڵاویكردبووەوە، بەپێی پێشبینییەكان، یەكەم رۆژی جەژنی قوربانی ئەمساڵ دەكەوێتە ڕۆژی چوارشەممە 28ی حوزەیرانەوە.
نەبەز ئیسماعیل وتەبێژی وەزارەتی ئەوقاف و كاروباری ئایینیی هەرێم لە لێدوانێكدا بە تۆڕی میدیایی ئێستای راگەیاند، جەژنی قوربان وەكو جەژنی رەمەزان نییە و لیژنەی بینینی مانگ بڕیار بدەن، بەڵكو سعودیە رۆژی 1ی (ذی الحجه)، یەكەم رۆژی جەژنی قوربان دەستنیشاندەكات هەر كاتێك ئەو رۆژەی دیاریكرد، راستەوخۆ 10ذی الحجە یەكەم رۆژی جەژنی قوربانە و هەموو جیهان چاوەڕێی سعودیە دەكەن ئەوەش بەهۆی رێوڕەسمەكانی فەریزەی حەجەوە لە سعودیە.
ئاشكراشیكرد، سعودیە پشت بە زانیاری و بۆچوونی فەلەكناسەكان نابەستێت لەسەر ئەو كاتەی دیاریكراوە، بەڵكو خۆی بڕیار لەسەر دیاریكردنی یەكەم رۆژی جەژنی قوربان دەدات.
