بەڕێوەبەرایەتیی كۆنتڕۆڵكردنی هێنان و دروستكردنی دەرمانی سەر بە وەزارەتی تەندروستی رایدەگەیەنێت، دوو دەرمانخانە لە شاری هەولێر داخران بەهۆی پابەندنەبوون بە نرخی سەر ستیكەر و فرۆشتنی دەرمانی ماوە بەسەرچوو.
بەپێی راگەیەندراوێكی بەڕێوەبەرایەتیی كۆنتڕۆڵكردنی هێنان و دروستكردنی دەرمانی سەر بە وەزارەتی تەندروستی كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای بە دواداچوونی لیژنەی باڵای چاودێریی دەرمان لەسەر سكاڵای هاوڵاتییان دوو دەرمانخانە لە شاری هەولێر داخران بە ھۆكاری پابەندنەبوون بە نرخی سەر ستیكەر و فرۆشتنی دەرمانی ماوەبەسەرچوو.
لە راگەیەندراوەكەدا هاتووە، بەڕێوەبەرایەتیی كۆنتڕۆڵی جۆری دەرمان هۆشداری دەدات بە هاوڵاتییان چاوكراوەبن لە بوونی هەر حاڵەتێكی سەرپێچی و نەخوازراو لە كاتی كڕینی دەرمان و تیمەكانمان ئاگاداربكەنەوە.
