بەڕێوەبەری بەنداوی دوكان رایدەگەیەنێت، رۆژانە ئاستی ئاو لە بەنداوی دوكان زیاد دەكات و بە بەراورد بە ساڵی رابردوو ئەم ساتە وەختە ئاستی ئاو لە بەنداوەكە 30 سانتیمەتر زیاترە.
كۆچەر جەمال بەڕێوەبەری بەنداوی دوكان لە لێدوانێكدا بە تۆڕی میدیایی ئێستای راگەیاند، بارانبارینی ئەم كاتە كاریگەری لەسەر زیادبوونی ئاستی ئاو لە بەنداوەكە نابێت، چونكە لە سەرجەم شوێنەكان بارانبارین وەك یەك نییە و لە كاتێكی كەمدایە و تاوە بارانە.
راشیگەیاند، “ئێستا رۆژانە یەك سانتیمەتر ئاستی ئاو لە بەنداوی دوكان زیاددەكات و بە بەراورد بە ساڵی رابردوو ئەم ساتە وەختە ئاستی ئاو لە بەنداوەكە 30 سانتیمەتر زیاترە و لەسەر ئاستی قەزای دوكانیش تێكڕای بارانبارین گەیشتووەتە 497 ملیمەتر.
