کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان بارانبارینی بەلێزمە بەردەوام دەبێت.
بەڕێوەبەرایەتیی کەشناسیی هەرێمی کوردستان رایگەیاند، ئەمڕۆ شەممە ئاسمانی هەرێم هەوری باراناوی دەبێت و هەورە تریشقەشی لەگەڵدا دەبێت هەندێک جار بارانبارین بە لێزمە دەبێت.
پلەکانی گەرماش نزم دەبنەوە بە (5 تا 7) پلەی سەدی بەراورد بە تۆمارکراوی رۆژانی پێشوو.
هەروەها سبەینێ یەکشەممە ئاسمان هەوری تەواو دەبێت لەگەڵ بارینی باران لە هەندێک ناوچەدا و هەورە تریشقەشی لەگەڵدایە، لە دوایی نیوەرۆوە کاریگەریی بارانبارین کەمتر دەبێت لە هەندێک ناوچە بە شێوەی نمەباران دەبارێت.
پلەکانی گەرما بەرزدەبنەوە بە 1 بۆ 2 پلەی سەدی بەراورد بە تۆمارکراوەکانی ئەمرۆ.
