ئەمڕۆ لەناو بازاڕی شاری کەلار ئۆتۆمبێلێک هاوڵاتییەکی تەمەن 111 ساڵانی کرد بە ژێرەوە و بەهۆی سەختی برینەکەیەوە لە نەخۆشخانە گیانیلەدەستدا.
عەلی جەمال قەدوری وتەبێژی پۆلیسی کەلار رایگەیاند، “دوای ئەوەی نیوەڕۆی ئەمڕۆ هەینی لەناو بازاڕی کەلار و نزیک قوتابخانەی لەیلا قاسم ئۆتۆمبێلێکی مینی پاس هاوڵاتییەکی کرد بە ژێرەوە بەهۆی سەختی برینەکەیەوە رەوانەی سلێمانی کراو پێش گەیشتنی گیانیلەدەستدا”.
ئاماژەی بەوەشکرد، “هاوڵاتییەکە ناوی عەلی سایر ئیربارە، لەدایکبووی 1912 دانیشتووی کەلار گەڕەکی فەرمانبەران بووە” .
ئاشکراشیکرد، “لە ئێستادا پۆلیس پەڕاوی لێکۆڵینەوەی بۆ رووداوەکە کردووەتەوە و شۆفێری ئۆتۆمبێلەکە بەپێی ماددەی 24ی هاتوچۆ لەلای پۆلیس بەندکراوە”.
