بڕیارە ئەمڕۆ بونیادنانی گەورەترین وێستگەی بەرهەمهێنانی كارەبا بە وزەی خۆر لە هەرێم رابگەیەندرێت.
جوتیار عادل، وتەبێژی حكومەتی هەرێمی كوردستان رایگەیاند، گوژمەی پڕۆژەکە 100 ملیۆن دۆلارە، رووبەرەکەی 590 دۆنم زەوییە و توانای بەرهەمهێنانی 25 مێگاواتە.
بڕیارە پاش نیوەڕۆی ئەمڕۆ بەردی بناغەی پرۆژەكە دابنرێت كە دەکەوێتە گوندی منارەی سەر بە پارێزگای هەولێر.
ئەو کارەبایەی وێستگەكە بەرهەمیدەهێنێت بە تۆڕی کارەبای نیشتمانی دەبەسترێتەوە.
