ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 14ی خولی نایابی ئینگلیزی، یانەکانی مانچستەر یونایتد و لیستەر سیتی بردنەوەیان تۆمارکرد و یانەی تۆتنهامیان لە لوتکەوە بۆ پلەی پێنجەم دابەزاند.
مانچستەر یونایتد لە یاریگای ئۆڵدترافۆرد بردنەوەیەکی گەورەی بە ئەنجامی (6-2) بەرانبەر لیدز یونایتد تۆمارکرد.
گۆڵەکانی ڕێد دێڤڵز لە خولەکەکانی دوو و سێ و 20 و 37 و 66 و 70 لەلایەن سکۆت ماکتۆمینای (دوو گۆڵ)، برونۆ فێرناندێز (دوو گۆڵ)، ڤیکتۆر لێندلوف، دانیێل جەیمس، دوو گۆڵەکەی لیدز یونایتدیش لە خولەکەکانی 42 و 73 لەلایەن لیام کوپەر و ستیوارت داڵاسەوە تۆمارکران.
https://streamable.com/fs2rn2
لە یاریی لوتکەشدا کە کاتژمێر (5:15) بەکاتی هەرێمی کوردستان ئەنجامدرا، یانەی لیستەر سیتی بە ئەنجامی دوو گۆڵی بێوەڵام تۆتنهامی لە یاریگای خۆیدا دووچاری دۆڕاندن کرد.
گۆڵەکان لە خولەکەکانی 45 و 59 لەلایەن جەیمی ڤاردی و تۆبی ئاڵدەرڤێرڵد (بەهەڵە) تۆمارکران.
https://streamable.com/wn7ynk
بەپێی ئەنجامە تۆمارکراوەکان، یانەی لیستەر سیتی ژمارەی خاڵەکانی گەیاندە 27 و پلەی دووەمی ڕیزبەندی پریمەرلیگی گرتەوە، هەروەها مانچستەر یونایتد هاوشێوەی ئێڤەرتیۆن 26 خاڵی کۆکردەوە و پلەکانی سێیەم و چوارەمیان مسۆگەرکرد، یانەی تۆتنهامیش بە 25 خاڵەوە بۆ پلەی پێنجەم دابەزی.
