بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازیكرد لە فەیسەڵ كەریم خان برادۆستی، ئەندامی سەركردایەتی و كاروان گەزنەیی، ئەندامی پەرلەمانی كوردستان.
سەرۆك بافڵ جەلال تاڵەبانی ئاماژەی بەو هێرشە چەكدارییە كرد كە لە چەند شەوی رابردوودا كرایەسەر پەرلەمانتار كاروان گەزنەیی و رایگەیاند، هێرشەكە مایەی نیگەرانییە و دەبێت هەر كەس و لایەنێك ئەم تاوانەیان ئەنجامداوە رووبەڕووی یاسا بكرێنەوە و یەكێتیی نیشتمانیی كوردستان سازش لەسەر ژیان و كەرامەتی خەڵك و كادیرە دڵسۆزەكانی ناكات و دەبێت ئەم كەیسە رێڕەوی یاسایی خۆی وەربگرێت.
لە بەرامبەردا كاروان گەزنەیی سوپاسی پەرۆشی و بە دەنگەوەهاتنی سەرۆك بافڵ جەلال تاڵەبانی كرد كە لەسەرەتای رووداوەكەوە لەپەیوەندیدا بووە و لە خەمی سەلامەتیی ئەواندا بووە.
