وەزارەتی نەوتی عێراق رایدەگەیەنێت، بە توركیامان راگەیاندووە رۆژی شەممەی داهاتوو هەناردەكردنەوەی نەوتی هەرێم دەستپێدەكاتەوە.
بەپێی راگەیەندراوێكی وەزارەتی نەوتی عێراق تێیدا هاتووە، كۆمپانیای سۆمۆی نیشتمانی بە كۆمپانیای بۆكتاشی توركیای راگەیاندووە كە رۆژی شەممە هەناردەی نەوتی هەرێم بۆ توركیا دەستپێدەكاتەوە.
هاوكات عەلی حەمەساڵح پەرلەمانتاری دەستلەكاركێشاوەی پەرلەمانی كوردستان راگەیاند رۆژی شەممەی داهاتوو هەناردەی نەوتی هەرێمی كوردستان لە لەژێر سەرپەرشتیی سۆمۆ دەستپێدەكاتەوە و هیوادارین خەڵكی هەرێمی كوردستان سوودمەندبێت.
