گەڕان بەدوای قوربانیانی کارەساتەکەی هایپەرمارکێتی شاری کوت بەردەوامە و ژمارەی ئەو کەسانەی گیانیان لەدەستداوە بۆ 61 کەس بەرزبووەوە.
وەزارەتی ناوخۆی عێراق بڵاویکردەوە، ژمارەی ئەو کەسانەی لە ئاگرەکەی هایپەرمارکێتی شاری کوت گیانیان لەدەستدا بۆ 61 کەس بەرزبووەوە و 45 کەسیش رزگارکراون.
پێشتر محەمەد جەمیل میاحی پارێزگاری واست رایگەیاندبوو، لە رووداوەکەدا 50 کەس گیانیان لەدەستداوە.
لەدوای رووداوی ئاگرکەوتنەوەکەی ساڵی 2023 ی قەزای حەمدانییە، ئەمە یەکەم رووداوی ئاگرکەوتنەوەیە لە عێراق کە ئەو ژمارە زۆرە قوربانی لێکەوتبێتەوە.
