پێشنیوەڕۆی ئەمڕۆ دێنێ بەکر بەڕێوەبەری سینەمای سلێمانی بەهۆی نەخۆشییەوە کۆچی دواییکرد.
بەڕێوەبەرایەتی هونەری سینەمای سلێمانی بڵاویکردەوە، “پێشنیوەڕۆی ئەمڕۆ هونەرمەند دێنێ بەکر لە شاری سلێمانی کۆچی دواییکردووە”.
ئاشکراشیکردووە، “ئەو هونەرمەندە بەهۆی تووشبوونی بە جەڵتەی دڵ کۆچی دواییکردووە”.
دێنێ بەکر ماوەی چەند مانگێکە پۆستی بەڕێوەبەری سینەمای سلێمانی وەرگرتووە، پێشتر وەک ئەکتەر لە چەندین کاری هونەریدا بەشداری کردووە.
