لە ئێوارەی دوێنێ یەکشەممەوە شەپۆلێکی بارانبارین عێراق و هەرێمی کوردستانی گرتووەتەوە و بەو هۆیەشەوە لافاو لە چەند شوێنێکی شاری هەولێر دروستبووە.
پەیامنێری تۆڕی میدیایی ئێستا گواستییەوە، لە ئێوارەی دوێنێ یەکشەممە شەپۆلێکی بارانبارین سنووری پارێزگای هەولێری گرتووەتەوە و تا ئێستاش بەردەوامی هەیە.
ئاماژەی بەوەشکرد، بەهۆی بەردەوامی بارانبارینەوە، لافاو لە بەشێک لە شەقام و کۆڵانەکان کۆبووەتەوە و لە هەندێک گەڕەک و بازاڕیش ئاو چووەتە ناو ماڵان و دووکانەکان و زیانی ماددی لێکەوتووەتەوە.
