وتەبێژی وەزارەتی دارایی هەرێم رایدەگەیەنێت، لە سبەینێوە دەست بە ئامادەكارییەكان بۆ دابەشكردنی مووچەی مانگی نیسانی فەرمانبەرانی هەرێمی كوردستان دەكەین و ئەوەش دوای ناردنی 400 ملیار دینارەكە لەلایەن حكومەتی عێراقەوە.
هونەر جەمال، وتەبێژی وەزارەتی دارایی و ئابوریی هەرێم لە لێدوانێكدا بە تۆڕی میدیایی ئێستای راگەیاند، بەهۆی راگرتنی هەناردەی نەوتی هەرێم داهاتی نەوتی هەرێم سفر بووە و تەنها 200 ملیار داهاتی ناوخۆ هەیە و كە ئەوەش بەیەكەوە كۆناكرێتەوە، بەڵام ئەمڕۆ لەلایەن حكومەتی عێراقەوە 400 ملیار دینار رەوانە كرا و بڕیارە سەرەتای هەفتەی داهاتوو 400 ملیار دیناری دیكە لە بەغدادەوە رەوانە بكرێت.
ئاشكراشیكرد، وەكو وەزارەتی دارایی هەرێم لە سبەینێوە ئامادەكارییەكان بۆ دابەشكردنی مووچەی مانگی نیسانی فەرمانبەرانی هەرێمی كوردستان دەکەین.
