بەیانی ئەمڕۆ هەینی لە شارەكانی بەغداد و بەسرە هەولێر، پڕۆسەی دەنگدان بۆ هەڵبژاردنی پەرلەمانی توركیا و سەرۆكایەتیی ئەو وڵاتە دەستیپێكرد.
لە شاری بەغداد 1775 دەنگدەر هەیە و لە دوو سندوقی دەنگداندا دەنگدەدەن، لە بەسرەش 132 دەنگدەر هەیە و لە یەك سندوقی دەنگدان هەروەها لە هەولێریش 3 سندوقی دەنگدان هەیە، كە سێ هەزار و 834 كەس مافی دەنگدانیان هەیە.
بڕیارە 14ی ئەم مانگە هەڵبژاردنی پەرلەمان و سەرۆكایەتیی توركیا بەرێوەبچێت و كێبڕكێیەكی توند لەلایەن حزبی دەسەڵاتدار و ئۆپۆزسێۆنەكانی ئەو وڵاتەوە هەیە.
