سەرۆكایەتیی شارەوانیی سلێمانی رایدەگەیەنێت، كاركردنی تیمەكانمان لە شەقامی سەرەكیی شارباژێر تەنیشت پاركی هەواری شار تاوەكو تونێلی پێشڕەو بەردەوامە و دوای ئەوەی بەهۆی وەرزی بارانبارینەوە ڕۆچوون دروستبووبوو لە شەقامەكەدا.
لە راگەیەندراوەكەی شارەوانیی سلێمانیدا هاتووە، تیمەكانمان دەستیان بە چاككردنەوەی شەقامەكە كردووە و هەر لە سەروبەندی كاری نۆژەنكردنەوەی شەقامەكاندا، چەند كۆڵانێك لە گەڕەكی خەبات قیرتاوكران كە ساڵانێكە لە چاوەڕوانی چاككردنی كۆڵان و گەرەكەكەیاندان.
ئاماژە بۆ ئەوەش كراوە، بەشێكی گرفتی ئەو گەڕەكانە لە وەرزی بارانبارینەوە دروستبووە و تیمەكان چارەسەریان دەكەن.
