وەزارەتی كشتوكاڵی هەرێم بڵاویكردووەتەوە، بڕیاردراوە یەك تۆن گەنمی بنەتۆ بە نرخی 880 هەزار دینار وەربگرێتەوە.
بەپێی ڕاگەیەندراوێكی وەزارەتی كشتوكاڵی هەرێم تێیدا هاتووە، بەپێی ئەو گرێبەستانەی ئەنجامدراون لە نێوان وەزارەتی كشتوكاڵ و كۆمپانیاكانی كەرتی تایبەت دوابەدوای ڕەچاوكردنی دۆخی ئاسایشی خۆراك و بەرژەوەندیی گشتیی هاوڵاتییان و جوتیاران، لە ئێستادا كۆمپانیایەك ئامادەیی دەربڕیوە بەهەمان میكانیزمی ڕاگەیەندراو كڕینەوەی بەرهەمی گەنمی ئەمساڵی جوتیارانی هەرێمی كوردستان وەربگرێتەوە، هاوشێوەی پلانی كڕینەوەی گەنم لە سایلۆكانی عێراق بەم شێوازەی خوارەوە:-
یەكەم/سەرجەم ئەو جوتیارانەی بەرهەمی گەنمیان چاندووە بۆ مەبەستی دروستكردنی بەرهەمی( ساوار )بە هەمان نرخی گەنمی نمرە یەك بڕی 850 هەزار دینار ڕاستەوخۆ دەدرێت بە جوتیاران.
دووەم / بۆ ئەمساڵ وەزارەت بڕیاریدا بەبڕی 880 هەزار دینار گەنمی بنەتۆ وەردەگرێتەوە جوتیاران دەتوانن بەو نرخەی دیاریكراوە گەنمی بنەتۆیان ڕادەستی سایلۆكانی پڕۆژەی بەبازاڕكردنی گەنمی جوتیاران بكەن.
سێیەم/ لێرەوە جوتیارانی خۆشەویست ئاگاداردەكەینەوە لە پاڵ چاندنی گەنم بۆ ئارد دەتوانن گەنمی (خشن) بچێنن كە بەمەبەستی دروستكردنی ساوار بەكاردەهێندرێت.
