لە رۆژی جیهانی کرێکاراندا لە رووداوێکی هاتوچۆدا لە ئیسپانیا دوو کرێکار گیانیان لەدەستدا و 25 ی دیکەش برینداربوون.
ئەمڕۆ دووشەممە دەزگای فریاکەوتنی ئیسپانیا بڵاویکردەوە، “رووداوێکی هاتوچۆ لە جۆری وەرگەڕان لە نزیک ناوچەی هویلڤا روویداوە”.
ئاماژەی بەوەشکرد، “پاسەکە 34 کرێکاری کشتوکاڵیی مەغریبی هەڵگرتووە و بەرەو شوێنی کارکردنیان بەڕێکەوتوون، لە رووداوەکەدا دوو کەس گیانیان لەدەستداوە، 25 ی دیکەش برینداربوون کە برینی حەوتیان سەختە”.
ناوچەی هویلڤا لە ئیسپانیا بەرهەمی ئەمساڵی %90 ی دەوڵەتانی یەکێتیی ئەوروپای هەبووە، بۆ بەڕێوەبردنی ئەم کارەش ساڵانە ژمارەیەکی زۆر لە کرێکاری مەغریبی روو لەو وڵاتە دەکەن.
