گۆڕانکاری لە نرخی بەنزینی نۆرماڵ دەکرێت و وەزارەتی سامانە سروشتییەکان رایدەگەیەنێت، بۆ سەرجەم جۆری ئۆتۆمبێلەکان لیتری دەبێتە 750 دینار.
وەزارەتی سامانە سروشتییەكان رایگەیاند، لەپێناو بەرژەوەندیی گشتی و بۆ بەرزكردنەوەی كوالێتیی و یەكخستنی نرخی بەنزین، لە یەکی ئایارەوە بۆ ماوەی یەك مانگ نرخی لیتری بەنزینی جۆری “نۆرماڵ” دەكاتە 750 دینار بۆ سەرجەم ئۆتۆمبێلەکانی تایبەت، تاکسی، پاس و پیکاب.
بەنزینەكە لەڕێگەی پاڵاوتگەكانی ناوخۆوە بەرهەمدەهێنرێت و لیژنەکانی چاودێری و بەدواداچوون لە بەڕێوەبەرایەتیی نەوت و کانزاکان لە پارێزگاكان و ئیدارە سەربەخۆكان بەهەمان میكانیزمی پێشوو، چاودێریی كوالێتییەكەی دەكەن، بەپێی ئەو خەسڵەتەی لە وەزارەت بۆ هەموو بەرهەمێكی بەنزین پەسەندكراوە، وەك ئەوەی لە راگەیەندراوی وەزارەتەكەدا هاتووە.
