پۆلیسی سلێمانی ئاشکرایکرد، تۆمەتبارێکیان دەستگیرکرد کە بە ئۆتۆمبێل سێ هاوڵاتی شێلابوو دواتر هەڵاتبوو.
بەپێی راگەیەندراوی بەڕێوەبەرایەتیی گشتیی پۆلیسی سلێمانی، لە گەڕەکی هەواری شاری سلێمانی کەسێک بە ئۆتۆمبێل سێ کەسی شێلابوو و هەڵاتبوو، دوای رووداوەکە بەدواداچوون لەلایەن پۆلیسی سلێمانییەوە دەستیپێکرد.
پۆلیسی سلێمانی دەڵێت، ئەو تۆمەتبارە لە گەڕەکی رزگاریی شاری سلێمانی دەستگیرکراوە و دەستگیراوە بەسەر ئۆتۆمبێلەکەیدا.
تۆمەتبارەکە، وەک پۆلیس ناسنامەی ئاشکراکردووە، ناوی (گ،غ،أ )ـە و بەبڕیاری دادوەر ڕاگیراوەو لەلایەن بنكەی پۆلیسی هەواری شارەوە پەڕاوی لێكۆڵینەوەی بۆ كراوەتەوە.
