لە 24 كاتژمێری ڕابردوودا 156 توشبوون بە كۆرۆنا لە هەرێم تۆماركراوە و چاكبوون لە نەخۆشییەكەش نزیكەی دوو هێندەی ئەو ژمارەیەیە.
وەزارەتی تەندروستی هەرێم ئەمڕۆ شەممە 19ی كانونی یەكەم ئاماری 24 كاتژمێری تایبەت بە كۆرۆنای بڵاوكردەوە و ئاشكرایكرد، سێ هەزار و 687 پشكنینی نوێ ئەنجامدراوە و لەو ژمارە 156 توشبووی نوێ تۆماركراوە.
توشبووان بەپێی شارەكان بەمجۆرەیە، (دهۆك 107، سلێمانی 36، گەرمیان 8، هەولێر 3 و هەڵەبجە 2) لە ڕاپەرین-یش هیچ توشبوویەكی نوێ تۆمارنەكراوە.
هەر لەو ماوەیەدا 281 توشبوو چاكبونەتەوە، وەك ئەوەی لە ڕاگەیەنراوەكەدا هاتووە و چوار توشبووش گیانیان لەدەستداوە.
كۆی گشتی توشبووانی كرۆنا لە هەرێم گەیشتە 101 هەزار و 543 كەس لەو ژمارەیە 66 هەزار و 401 توشبوویان چاكبوونەتەوە و سێ هەزار و 322 توشبووش چاكبوونەتەوە.
