بەهۆی بەکارخستنی بودجەیەکی خەیاڵی لە مێرکاتۆی زستانی 2023، ئیدارەی یانەی چێڵسی کەوتووەتە دۆخێکی دارایی خراپەوە و ناچارن دەستبەرداری چەندین یاریزان ببن.
بەپێی زانیارییەکانی “لاگازێتا دێلۆ سپۆرت”، ئیدارەی چێڵسی لەپێناو هاسەنگکردنەوەی “داهات و بەکارخستن”ی تایبەت ڕێساکانی “یاریی خاوێن”، ناوی (10) یاریزانیان خستووەتە لیستی فرۆشتنەوە، هەرچەندە بەشێک لەو یاریزانانە گرنگن و دەکرێت سوود بە یانە شینەکە بگەیەنن.
یاریزانەکان بریتین لە: ڕۆمێلو لوکاکو، کالیدۆ کۆلیبالی، کیپا ئاریزابالاگا، مەیسن ماونت، ماتیۆ کۆڤاسیچ، کریستیان پولیسیچ، حەکیم زەیاش، تریڤۆر چالوبا، پیێر ئایمیریک ئۆبامیانگ، کۆنۆر کالاگێر.
هەندێک لەو یاریزانانە بەهۆی بەرزی نرخ و مووچەکانیانەوە، لەلایەن ئیدارەی “بلوز”ەوە بە شێوازی خواستنیش ڕێگەی ڕۆیشتنیان پێدراوە.
