ئەمڕۆ تەرمی منداڵێک لەناو ماڵێکی چۆڵدا دۆزراوەتەوە کە شوێنەواری گوللـە بەسەرییەوە بووە و تەمەنی لەنێوان 8 بۆ 10 ساڵدا دەردەکەوێت.
هێزە ئەمنییەکانی بەغداد، ئەمڕۆ لە ماڵێکی چۆڵدا تەرمی منداڵێکیان دۆزیوەتەوە کە شوێنی گوللـە بەسەرییەوە بووە و بە کاریگەریی ئەوە گیانیلەدەستداوە.
بەپێی میدیا عێراقییەکان ئەو منداڵە کچە و تەمەنی لەنێوان 8 بۆ 10 ساڵدایە، تەرمەکەی لەلایەن خێزانەکەیەوە ناسراوەتەوە.
ئاماژە بەوەکراوە، لە شوێنی رووداوەکە سێ چەک و نارنجۆکێک دۆزراوەتەوە، هەروەها ئەگەری هەیە منداڵەکە بەر لە کوشتنی دەستدرێژی کرابێتەسەر.
