زانایان هۆشداریدەدەن لە ئەگەری گۆڕانی ئەنفلوەنزای سەگ بەجۆرێک کە بگوازرێتەوە بۆ مرۆڤ و ببێتە پەتایەکی بەربڵاو.
ڤایرۆسی ئەنفلوەنزای سەگ کە بە “H3N2” ناسراوە و بۆ یەکەمجار سەگێک لە ساڵی 2006دا تووشی ڤایرۆسەکە بوو.
زانایان باس لەوەدەکەن کە لەوکاتەوە تا ئێستا ڤایرۆسەکە بەردەوام خۆی دەگۆڕێت و ئێستا نزیکە لە ئەنفلوەنزای باڵندە و تووشی سییەکان دەبێت.
ئەوەی نوێیە لەبارەی “ئەنفلوەنزای سەگ” ئەوەیە توێژەران بۆیان دەرکەوتووە کە ڤایرۆسەکە توانای ئەوەی هەیە باشتر وەرگرەکانی خانەکانی مرۆڤ بناسێتەوە.
ئەم پەرەسەندنە بەو مانایەیە کە ئەگەری هەیە ڤایرۆسەکە هەنگاوێک نزیکتر بێت لە تێپەڕاندنی ئەو بەربەستەی کە وایکرد رێگربێت لە گواستنەوەی بۆ مرۆڤ و جارێکی تر لە مرۆڤەوە بۆ مرۆڤ.
توێژینەوەکە لە زانکۆی کشتوکاڵیی چین لە پەکین ئەنجامدراوە و شیکاریی بۆ پشکنینی زیاتر لە چوار هەزار سەگ کردووە، دەرکەوتووە کە ڤایرۆسەکە ئێستا نیشانەکانی توانای ناسینەوە و دووبارەبوونەوەی لە وەرگرەکانی خانەکانی مرۆڤدا نیشان دەدات.
