کەمێک لەمەوبەر لە نزیک ناحیەی باوەنوور ئۆتۆمبێلێک بە پێنج سەرنشینەوە وەرگەڕان و سێ کەسیان برینداربوون.
پەیامنێری تۆڕی میدیایی ئێستا گواستییەوە، “پێشنیوەڕۆی ئەمڕۆ ئۆتۆمبێلێک لە نزیک ناحیەی باوەنوور کۆنتڕۆڵی لەدەستدا و وەرگەڕا، لە ئەنجامدا سێ سەرنشینی ئۆتۆمبێلەکە برینداربوون”.
لای خۆیەوە ئارام ئیحسان بەڕێوەبەری نەخۆشخانەی شەهید ئەحمد لە کەلار بە تۆڕی میدیایی ئێستای وت، “بریندارەکان گەیەندراونەتە نەخۆشخانەکەمان چارەسەری پێویستیان بۆ کراوە و پێویست دەکات بۆ ماوەیەک لە نەخۆشخانە بمێننەوە”.
