لیژنە هاوبەشەكانی قائیمقامیەتی سلێمانی كۆگایەكی ئامادەكردنی خواردنی سەر عەرەبانەكانی نزیك مزگەوتی گەورەی داخست.
بەپێی راگەیەندراوێكی لیژنە هاوبەشەكانی قائیمقامیەتی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە و لە درێژەی هەڵمەتی لیژنە هاوبەشەكان لە یەكەم رۆژی جەژندا، لە كۆگایەكی ئامادەكردنی خواردنی سەر عەرەبانەكانی نزیك مزگەوتی گەورەی سلێمانی دەستگیرا بەسەر بڕێكی زۆر گۆشت و دووگی ئاژەڵدا كە لە شوێنێكی نەشیاو و بە شێوازێكی ناتەندروست ئامادەدەكراو لەسەر عارەبانە بە لەفە دەفرۆشرا.
لە راگەیەندراوەكە داهاتووە، راستەوخۆ بڕیاری داخستنی شوێنەكە و دەستبەسەرداگرتنی تەواوی خواردەمەنییەكان دران و رێكاری یاسایی لەگەڵ خاوەنەكەی دەگیرێتەبەر.
