بەرێَوەبەرایەتیی پۆلیسی گەرمیان دەستگیركردنی كەسێكی بە تۆمەتی كوشتنی هاوڵاتییەك راگەیاند.
بەپێی راگەیەندراوێكی بەرێَوەبەرایەتیی پۆلیسی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، بەیانی ئەمڕۆ هەینی یەكەم ڕۆژی جەژن ئاگاداركراینەوە لە بوونی تەرمێك لەسەر ڕووباری سیروان.
لە راگەیەندراوەكەدا هاتووە، دەستبەجێ بەسەرپەرشتیی بەڕێوەبەری پۆلیسی گەرمیان- بەشی پۆلیسی نەهێشتنی تاوانی گەرمیان چوونە شوێنی رووداوەكە دوای ئەوەی بەڵگە و زانیاری دروست لەسەر تاوانەكە كۆكرایەوە و توانرا تۆمەتبار بناسرێتەوە لە ئێستادا تۆمەتبار لەلای پۆلیسە و بە بڕیاری دادوەر و بەپێی ماددەی 405 بەندكراوە و لێكۆڵینەوە لەگەڵی دەستیپێكردووە.
هەر لە راگەیەندراوەكەدا هاتووە، تۆمەتبار شەوی ڕابردوو بە چەكی جۆری دەمانچە هەستاوە بە كوشتی هاوڕێیەكی خۆی بە ناوی (خالید ڕەحیم محمد ) لەدایكبووی 1993 كە دانیشتووی ناحیەی بنگرد بووە لە كەلار و لە ئێستادا بە مەبەستی توێكاری تەرمەكەی ڕەوانەی پزیشكی دادوەریی قەزای كەلار كراوە.
