پۆلیسی سلێمانی دەستگیرکردنی کەسێکی راگەیاند کە بە ئۆتۆمبێل لە کەسێکی دابوو و دواتر هەڵاتبوو.
بەڕێوەبەرایەتیی پۆلیسی سلێمانی بڵاویکردەوە، “دوای ئەوەی زانیاری گەیشتە دەست هێزەكانی پۆلیس كە هاوڵاتییەك بە ئۆتۆمبێل لێی دراوە و تۆمەتباری رووداوەكە هەڵاتووە، دەستبەجێ هێزەكانی پۆلیس گەیشتنە شوێنی رووداوەكە و كەشف و هێلكاری شوێنی رووداوەكە كراو لێكۆڵینەوەكان بۆ دۆزینەوە و دەستگیركردنی تۆمەتباری هەڵاتوو دەستیپێكرد”.
ئاماژەی بەوەشکرد، “دوای گەڕان و بەدواداچوونەكان و وەرگرتنی بڕیاری دادوەر توانرا تۆمەتبار بدۆزرێتەوە و لە لایەن بنكەی پۆلیسی هەواری شارەوە دەستگیربكرێت”.
ئاشکراشیکرد، “لە ئێستادا تۆمەتبار( د،ع،أ ) بە بڕیاری دادوەر و بەپێی ماددەی 405-31 و 413 لە یاسای سزادانی عیراقی راگیراوە و لێكۆڵینەوە لەگەڵیدا بەردەوامە”.
