دۆسیەی گیانلەدەستدانی مارادۆنا دانەخراوە و كەسانێك بە هۆكاری مردنەكەی تۆمەتباركراون و لێكۆڵینەوەیان لەگەڵدا دەكرێت.
میدیای ئەرجەنتین دەڵێت، هەشت كارمەندی تەندروستی بە تۆمەتی ئەوەی بوونەتەهۆی مردنی مارادۆنا، لێكۆڵینەوەیان لەگەڵدا دەكرێت و تۆمەتباركراون بە ئەنجامدانی “تاوانی كوشتن بەهۆی كەمتەرخەمییەوە”.
ساڵی 2020 لە تەمەنی 60 ساڵیدا و دوای ئەنجامدانی نەشتەرگەریی مێشك بە چەند رۆژێك، مارادۆنا بەهۆی لاوازبوونی دڵییەوە گیانیلەدەستدا.
بەپێی میدیای ئەرجەنتین، ئەگەر ئەو هەشت كارمەندەی تەندروستی تۆمەتەكەیان بەسەردا ساغبكرێتەوە، ئەوا بۆ ماوەی هەشت تا 25 ساڵ زیندانیدەكرێن.
