لیژنەی چوادێریکردنی مانگ لە وەزارەتی ئەوقاف و کاروباری ئیسلامیی قەتەر داوا دەکات ئێوارەی رۆژی پێنجشەممە چاودێریی بینینی مانگ بکرێت و جەختدەکاتەوە ئەگەری زۆرە هەینی یەکەم رۆژی مانگی شەوال بێت.
لە بانگهێشتنامەیەکدا لیژنەی چاودێریی بینینی مانگ لە وڵاتی قەتەر داوا لە هاوڵاتییان و خەڵکی وڵاتەکە دەکات کە دەیانەوێت چاودێریی بینینی مانگ بکەن هەماهەنگییان لەگەڵ لیژنەکەیاندا هەبێت.
لیژنەکە رایگەیاندووە، ئەگەری زۆرە ئێوارەی رۆژی پێنجشەممە مانگ هەڵبێت و رۆژی هەینی ببێتە یەکە رۆژی مانگی شەوال کە دەکاتە یەکەم رۆژی جەژنی رەمەزان.
روانگەی گەردوونناسیی وڵاتی سعودیەش پێشتر رایگەیاند، کە رۆژی هەینی یەکەم رۆژی مانگی شەوال و یەکەم رۆژی جەژنی رەمەزانە.
