دادگای تاوانەکانی رەسافە سزای لەسێدارەدانی بەسەر هەشت تاوانباردا جێبەجێکردن کە لە زیندانەکانەوە هەوڵی رێکخستنەوە و بونیادنانەوەی داعشیان دەدا.
ئەنجومەنی باڵای دادوەری لە عێراق بڵاویکردەوە، “سزای لەسێدارەدان بەسەر هەشت تاوانباردا جێبەجێکراوە کە لە زیندانەکانی تاجی و کەفل و کەرخ رێکەوتبوون و کاریان بۆ ئەوەدەکرد لە ناو زیندانەکانەوە داعش بونیادبنێنەوە و پیلانیان بۆ هەڵاتن دانابوو”.
ئاشکراشیکرد، “تاوانبارەکان دانیانبەوەدا ناوە، کە کاریان بۆ رێکخستنەوەی داعش لەناو زیندانەکان و دووبارە دانانەوەی ئەمیر و فەرماندە و سەرکردەکانیان و بەستنەوەیان بە رێکخراوەکەوە دوای ئازادبوونیان کردووە”.
ئاماژەی بەوەشکرد، “بڕیارەکە بەپێی ماددەی چواری بەرەنگاربوونەوەی تیرۆر دەرکراوە و جێبەجێکراوە”.
