پێش چەند خولەکێک لە بەڕێکەوتنی بەرەو بۆشایی ئاسمان، کۆمپانیای سپەیس ئێکس پلانی هەڵدانی مووشەکەکەی هەڵوەشاندەوە.
ئەمڕۆ دووشەممە بڕیار بوو کۆمپانیای سپەیس ئێکس مووشەکی ستارشیپ رەوانەی بۆشایی ئاسمان بکات، بەڵام پێش چەند خولەکێک لە بەڕێکەوتنی پەشیمانبوونەوە.
راگرتنی بڕیاری هەڵدانی مووشەکەکە بەهۆی دروستبوونی کێشەیەکی تەکنیکییەوە بووە، ئەمەش بەپێی راگەیەندراوی سپەیس ئێکس تا ئێستاش رووننەبووەتەوە کەی مووشەکەکە رەوانەدەکرێت.
کۆمپانیای سپەیس ئێکس کە ملیاردێری جیهانی ئیلیۆن مەسک خاوەندارێتی دەکات، سەکۆی هەڵدانی مووشەکەکەی لە بەشی باشووری ویلایەتی تەکساس لە نزیک سنووری مەکسیک دانابوو، پلانی وابوو ئەم مووشەکە بۆ هەڵگرتنی کەشتیوانی ئاسمانی و کەلوپەل بۆ سەر مانگ بەکاربهێنێت وەک ئامادەکارییەک بۆ ئەنجامدانی گەشتی دیکە و چوونە سەر هەسارەی مەریخ لە کۆتاییدا.
